Participa facilitando talleres de Clown para adultos y  teatro para niños, ambos dentro del espacio “Me expreso con alegría”, en este encuentro de vacaciones creativas en la naturaleza. Unas vacaciones creativas únicas en Galicia, donde podrás experimentar otra forma de acercarte a la naturaleza.

Nekane Fernández: ao mesmo tempo que estudaba a carreira de psicoloxía, alá polos anos 80, cursei estudos de teatro nunha escola de Coruña, Danthea. Logo comecei a traballar con marionetas en diferentes compañías e máis tarde, xa en Santiago, como actriz profesional en teatro, televisión e, ocasionalmente, en cine. Mais estas dúas liñas, a psicoloxía e o teatro sempre existiron, e por tempos alonxeime e achegueime a cada unha delas. Fixen un doutorado en Teatro e pouco a pouco esas dúas liñas convertíronse nunha  soa, a que hoxe me ocupa.

Considero o teatro como unha oportunidade de traspasar a personaxe que representamos habitualmente na vida, tan limitado, para chegar a outros aspectos máis profundos, escondidos, e que están agardando a ser vistos, aceptados, integrados e expresados. Por tanto, o teatro é un dador de vida, un canal para expresar o que non fas habitualmente. Un modo de facer visible o invisible dun xeito singular e único.

Sempre recordarei como momentos especialmente vitais e felices na miña vida, os cursos de Teatro aos que teño asistido: clown, cabaret, teatro do oprimido, interpretación; tamén agora coa fomación gestalt…momentos nos que das un salto do cotidiano cara a unha experiencia emocionante, chisporroteantemente intensa, e amplificadora do teu ser.

Agora teño a ilusión de ensinar o que aprendín, e estas experiencias me guían. Poder axudar a que a persoa multiplique as suas posibilidades de expresión e atope os seus dons e tesouros, esta é unha das miñas paixóns. A outra, traballar como actriz e ter experiencias que me leven a visitar e mostrar as miñas paisaxes interiores.